Праект партала
Навокал
27.12.2017 / 13:46
Дактары мінскіх лякарняў носяць форму з дыназаўрамі і коцікамі. Як вам? ФОТЫ40

У сацыяльных сетках абмяркоўваюць, ці павінна быць у медыцынскіх работнікаў яркая форма. 

Карыстальнікі лічаць, што было б цудоўна, калі б усе супрацоўнікі дзіцячых медустаноў адышлі ад стрыманай бела-блакітнай гамы і набывалі сабе нестандартную форму з совамі ці дыназаўрамі, напрыклад. 

Агульныя патрабаванні да медыкаў такія: яны не павінны выглядаць неахайна і распусна, насіць яркі макіяж і масіўныя ўпрыгожванні. А форма заўсёды мусіць быць чыстай — іншых патрабаванняў да яе няма.

Праўда, некаторыя кіраўнікі аддзяленняў з’яўляюцца кансерватарамі і забараняюць сваім падначаленым выходзіць за межы агульнапрынятай каляровай гамы. І некаторыя лічаць, што дарэмна. Як гавораць самі дактары і медыцынскія сёстры ды браты, яркая форма ўздымае настрой не толькі ім, але і пацыентам, асабліва маленькім.

Мы звязаліся з Ірынай Лакіза, якая цяпер вучыцца на 5-м курсе педыятрычнага факультэта медыцынскага ўніверсітэта і паралельна працуе ў радзільні 5-й клінічнай бальніцы, каб яна распавяла пра досвед выкарыстання нестандартнай формы сярод яе калег.

Ірына Лакіза.

«Да такой практыкі ўсё часцей у апошнія гады прыходзяць маладыя спецыялісты — на мой погляд, так працаваць куды весялей. А калі ты педыятр, то яркая форма — гэта проста палачка-выручалачка! Пакуль робіш укол, бацькі могуць адцягнуць увагу дзіцяці на зорачкі і кветкі на тваім адзенні. У нашым аддзяленні вельмі шмат дактароў спецыяльна набываюць незвычайную форму за свае грошы. Гэта працуе: калі пацыенты бачаць, што ў дактарах цячэ энергія, то яна перадаецца і ім», — распавядае Ірына.

Праўда, яе сваякі, што старэйшага пакалення, не зусім разумеюць жаданне дзяўчыны хадзіць у форме з дыназаўрыкамі. Для іх гэта выглядае несур’ёзна: быццам яна прыйшла на працу ў піжаме.

А ў вас якая форма выклікае больш пазітыўных эмоцый?

Nina.nn.by

Каментары
интересующийся / Адказаць 27.12.2017 / 14:00

Пришел к медикам. а попал на утренник в детском саду? Медики должны внушать доверие. что они в медицине разбираются лучше тебя и что они окажут помощь. а не хороводы будут водить и стишки читать, а ты сам должен решить как тебя и чем лечить. что они может быть сделают. а может и нет. потому что селфи снимают про свои костюмчики.

147
оставь надежду / Адказаць 27.12.2017 / 14:07

интересующийся , сложно разбираться в чем-то лучше комментатора газетных статей.

2
anti-vasia / Адказаць 27.12.2017 / 14:20

Малайцы, што й казаць. Асабліва ў дзіцячых клініках гэта актуальна. Надакучыла паныласьць ва ўсім.

4
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура