Праект партала
Тое-сёе
14.12.2017 / 16:44
У Францыі адкрылі гарачую лінію для «ахвяраў» абаронцаў жывёл6

Мяркуюць, што па дапамогу будуць звяртацца аматары футра і скуры, паведамляе birdinflight.com.

Фота Дыега Зука, harpersbazaar.com.

Французская федэрацыя футра стварыла гарачую лінію для тых, хто пацярпеў ад актывістаў зоаабарончых арганізацый, дакладвае выданне WWD. Патэлефанаваўшы па нумары, чалавек зможа атрымаць псіхалагічную дапамогу і юрыдычную кансультацыю.

«Кожны тыдзень людзі, якія носяць футра, падвяргаюцца вуснай і фізічнай агрэсіі з боку радыкальных актывістаў», — распавялі прадстаўнікі Французскай федэрацыі футра.

Акрамя таго, арганізацыя плануе прыцягнуць да адказу маркі, якія «публічна адмаўляюцца ад футра, але пры гэтым выкарыстоўваюць іншыя матэрыялы жывёльнага паходжання пры стварэння сваіх калекцый — такія як скура, воўна і шоўк».

Таксама ёсць пытанні да дамоў мод, «якія заклікаюць выкарыстоўваць замест футра сінтэтычныя матэрыялы, атрыманыя з нафты, якія не гніюць і забруджваюць наваколле».

У адказ на гэта ў зоаабарончай арганізацыі PETA заявілі: «Пакуль на вітрынах крамаў ёсць адзенне, вырабленае са скуры жывёл, PETA і іншыя асацыяцыі і актывісты будуць працягваць бараніць жывёл, якіх падвяргаюць пакутам і забіваюць. Мы таксама заклікаем спажыўцоў, якія занепакоеныя дабрабытам жывёл, патрабаваць ад уладаў забароны вытворчасці футра ў Францыі».

Nina.nn.by

каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура