Праект газеты
Дома З гэтым мяккім духмяным яблычным печывам восень будзе не такой пахмурнай17

Без гэтага печыва па рэцэпце славутай амерыканскай тэлевядоўцы Марты Сцюарт у нашай сям'і не абыходзіцца ўжо каторая восень. Мяккае, духмянае, яно дадасць утульнасці дажджліваму вечару альбо падсалодзіць пахмурны ранак. Вельмі рэкамендую.

Вам спатрэбіцца:

  • 1 шклянка звычайнай пшанічнай мукі
  • 1 шклянка цэльназерневай мукі (калі яе няма, вазьміце 2 шклянкі звычайнай)
  • 1 ч.л. соды
  • 1/2 ч.л. мускатнага арэху
  • 1/3 ч.л. гваздзіку
  • 1/2 ч.л. солі
  • 100 г масла
  • 2/3 шклянкі цукру
  • 2 яйкі
  • 3 ст.л. малака
  • 1 шклянка разынак
  • 2-3 яблыкі (можна больш)

Як гатаваць:

1. Змяшаць абодва віды мукі з содай, соллю і прыправамі.

2. Асобна ўзбіць мяккае масла з цукрам. Дадаць па адным яйкі, пасля кожнага добра ўзбіць. Дадаць малако, яшчэ крыху ўзбіць.

3. Паступова ўсыпаць мучную сумесь у масляную, добра перамяшаць. 

4. Дадаць у цеста разынкі і дробна парэзаныя яблыкі, перамяшаць. 

5. З цеста дзеля большай эстэтычнасці прапануецца скачаць невялікія шарыкі, але яно атрымліваецца мяккім і даволі ліпкім, таму я выкладваю яго на бляху проста лыжкай. Увага: цеста расцякаецца ў духоўцы, таму пакідайце паміж печывам дастаткова месца. 

6. Выпякаць на 180°С 15-20 хвілін. 

Гатуйце таксама:

Юлія Міцкевіч

Каментары
Алекс / Адказаць 18.11.2017 / 10:01

Один сахар!!!

2
Olka / Адказаць 18.11.2017 / 12:57

Алекс, вы же можете сахара меньше добавить, по вкусу. Я бы добавила пол стакана.

3
Žvir / Адказаць 18.11.2017 / 14:00

Padajecca, što hetaja amerykanskaja telieviadoūca prosta scibryla recept latyskaj narodnaj, tradycyjnaj prysmaki - piparkukas. Ja niekali braū udziel u jaje vypiakaņni. Vos`, paraūnajcie: http://rus.delfi.lv/archive/gotovim-piparkukas-prostoj-i-bystryj-recept.d?id=46795865 ..........aļbo jašče varyjant: http://www.delfi.lv/woman/eda/recepty/recept-ot-zheni-gavrilova-piparkukas-ili-rozhdestvenskoe-pechene?id=42914180 Mnie hetaje piečyva boļš za ūsio padabajecca pad aračy hlintvejnčyk. Ja nie vialiki amatar vina, alie maroznym sniežaņskim viečaram hlintvejnčyk i piparkuka - vieļmi praviļnaje rašeņnie ! :))

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура