Праект газеты
Тонус Печань будзе маўчаць да апошняга. Коратка — пра асноўныя небяспекі4

Печань — той орган, які будзе трываць, колькі магчыма, і не падаваць сігналаў, што нешта не так. Звычайна заўважныя сімптомы з’яўляюцца тады, калі сітуацыя ўжо запушчаная і прымаць меры трэба неадкладна.

Фота healer-beauty.ru.

Як зразумець, што печані патрэбная дапамога, мы высвятлялі ў загадчыка трэцяга тэрапеўтычнага аддзялення Першай цэнтральнай раённай клінічнай паліклінікі Цэнтральнага раёна Мінска Дануты Касабуцкай.

Як убачыць, што ёсць праблема

Многія захворванні адразу ж «вылазяць» на твары і целе чалавека. І печань тут не з’яўляецца выключэннем. Ёсць тры асноўныя сігналы, якія даюць зразумець, што варта пачаць хвалявацца:

  • бялкі вачэй становяцца жаўтаватымі,
  • з’яўляюцца сасудзістыя «зорачкі» і пігментныя плямы,
  • скура набывае жаўтаватае адценне.

Акрамя таго, чалавек можа згубіць колішнюю працаздольнасць і пачаць хутка стамляцца. Можа знікнуць апетыт, з’явіцца горыч у роце, а таксама заўважны жывот — як наступства назапашвання вадкасці ў брушной поласці.

Чаму печань пачынае хварэць

Вывесці гэты орган са строю складаней, чым многія іншыя, але магчыма. Вось асноўныя прычыны, якія могуць справакаваць развіццё захворванняў:

  • злоўжыванне алкаголем,
  • вірусныя захворванні печані,
  • паслабленне імунітэту,
  • парушэнне абмену рэчываў,
  • спадчынныя захворванні,
  • пэўныя лекі і таксічныя рэчывы,
  • захворванне жоўцевага пузыра і падстраўнікавай залозы.

Самыя распаўсюджаныя хваробы

Тлушчавы гепатоз

Гэта хранічнае захворванне, калі клеткі печані пераўтвараюцца ў тлушчавую тканку. Звычайна тлушчавы гепатоз развіваецца праз залішнюю вагу, пераяданне, злоўжыванне тлустай ежай. Іншы фактар — алкаголь. Прычым да хваробы могуць весці не толькі вялікія дозы спіртнога, але таксама і малыя, калі яны штодзённыя. Яшчэ адна прычына — працяглы прыём лекаў, якія шкодзяць клеткам печані.

Калі тлушчавую хваробу запусціць, яна можа прывесці да стэатагепатыту, то бок запалення тканак печані, цырозу і ў рэдкіх выпадках раку.

Алкагольнае паражэнне печані

Прыём 40-80 грамаў этанолу ў дзень на працягу 10-12 гадоў правакуе развіццё алкагольнага паражэння печані. Аднак варта ўлічваць таксама ўплыў спадчынных фактараў і ўздзеянне наваколля.

Трэба сказаць, што ў жанчын алкагольнае паражэнне печані развіваецца хутчэй і для гэтага хапае меншых доз алкаголю.

Хранічныя вірусныя гепатыты В і С

Гепатытам называюць розныя запаленчыя захворванні печані. Гепатыты В і С — неспадчынныя хваробы, перадаюцца яны толькі праз кроў. Падчапіць вірус можна ў сумнеўных тату-салонах, на сеансе манікюру ці педыкюру або параніўшыся шпрыцам, на якім была кроў чалавека, што хварэе на гепатыт. Пры простым пацалунку ці знаходжанні побач з хворым чалавекам заразіцца амаль немагчыма.

Гепатыт В нашмат больш распаўсюджаны, чым гепатыт С. Першы працякае востра, аднак сур’ёзныя ўскладненні пасля яго ўзнікаюць адносна рэдка. З гепатытам С усё наадварот: ён працякае спакойна, аднак нашмат часцей пераходзіць у хранічную форму.

Менавіта гепатыт С называюць адной з найбольш небяспечных хвароб печані, бо часта ён перарастае ў яшчэ больш небяспечную хваробу — цыроз печані. А гэтая хвароба, у сваю чаргу, з’яўляецца адной з самых распаўсюджаных прычын смерці ў 35-65 год.

Як папярэдзіць хваробы печані

Найперш варта максімальна зменшыць знешнія рызыкі:

  • падтрымліваць здаровую вагу цела,
  • абмежаваць ужыванне алкаголю,
  • правесці вакцынацыю супраць гепатытаў А і В,
  • ужываць толькі тыя лекі і так, як прапісаў доктар, каб пазбегнуць гепататаксічнасці,
  • пазбягаць непасрэднага кантакту з кроўю і сэксуальных сувязяў з малазнаёмымі.

Праблемы з печанню могуць узнікнуць у любым узросце, але найчасцей з імі сутыкаюцца ва ўзросце 15-45 гадоў.

Як баліць печань

Пра «непаладкі» можа сігналізаваць боль у правым падрабрынні. У печані няма нервовых канчаткаў і боль у ёй сам па сабе ўзнікнуць не можа, нават калі хвароба ўжо ёсць. Нервовыя канчаткі ёсць не ў печані, а ў абалонцы, што яе пакрывае. Праз хваробы печань павялічваецца ў памерах, расцягвае абалонку печані, ад чаго і з’яўляецца боль.

Аднак каб зразумець, якія праблемы ёсць у вашым арганізме, адназначна трэба звярнуцца да доктара.

ААТ «Экзон», УНП 200433278

Nina.nn.by

Каментары
ranen / Адказаць 24.11.2017 / 12:05

сходите в больницу и сдайте биохимический анализ крови. Стоит эта забава около 5 руб. Если показания выходят из допустимого диапазона(он обычно указан в анализе) - идите с этим листком к врачу.

1
НеЛеди / Адказаць 24.11.2017 / 19:01

Болеть плохо. Как сказала моя подруга, у которого муж уже на вечном диализе, цените друг друга и свое здоровье.

0
LY / Адказаць 24.11.2017 / 19:06

Я постоянно даю себе слово периодически сдавать анализы и делать хотя бы минимальный набор УЗИ. Но как всегда времени нет, вечно куда-то спешим. А когда петух жаренный клюет, то бывает поздно. Такие статьи приводят в чувство и напоминают, что здоровье оно одно и за ним надо следить. Ведь жить хочется в полную силу и здоровым.

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура