Праект газеты
Бардачок Топ-5 жартаў пра «Нашу Ніну»14

Інтэрнаўты прыдумалі безліч новых праектаў, якія варта зрабіць «Нашай Ніве». «Наша Даша» мусіць распавядаць пра спартовае жыццё краіны, «Наша Піва» — пісаць пра цікаўнасці мужчынскай паловы насельніцтва, а «Наша [легендарнае] Шмаравідла» — збіраць свецкую хроніку.

Як толькі не прапаноўвалі інтэрнаўты дапрацаваць назву «Нашай Ніны»: «Наша Няша», «Наша Маша», «Наша Німфа», «Наша Ніка»…

Дарэчы, Алена Гушча выступіла супраць «Нікі», затое «Ніну» горача падтрымала:

«Ніна — гэта старажытнае асірыйскае імя, якое абазначае ў перакладзе ''Царыца'', ''Спадарыня''. Па-мойму, ''Наша Ніна'' — найлепшая назва для сайта беларускіх жанчын. ''Наша Ніна'' — наша спадарыня! Віншую ўсіх нас!»

««Наша Глаша», мяркуючы па луках. А за ідэю — пяцёрачка», — пракаментавала Вікторыя Аляксандрава.

«Мне падабаецца. А для ліцвінаў можна літару «я» дадаць — «нашаЯніна»», — напісаў Аляксей Крукоўскі.

««Маша Ніна» прарасла і закаласілася. І «Наша Ніва» такі падабрала маю забаўку з фэйкавай назвай і запусціла сур'ёзны праект «Наша Ніна»… Праўда, недзе згубілася Маша. Магчыма, трэба яшчэ чакаць «Маша Ніва». З гэтай прычыны ўрачыста абяцаю выпусціць неўзабаве трэці «жэстачайшы» нумар «МяшаНіны»», — арыгінальна павіншаваў нас з запускам Вецер Механічны.

А вось як абыграла з'яўленне «Ніны» Аляксандра Баярына:

«Сенсацыя! Пакуль анлайнеры і туты таўсцеюць і заплываюць тлушчам, «Наша Ніва» нарадзіла дачку. Вось што значыць здаровы вобраз жыцця і выбіральнасць прадуктаў харчавання. Маладая, падцягнутая газета занялася рэпрадукцыяй. А брсмаўскія і спутнікаўскія смі пайдуць на ЭКА. А самыя прасунутыя праеўрапейскія выданні зробяць сабе аборт».

Твітар прыняў «Ніну» як дадзенасць:

«У прынцыпе, пасля артыкула ў «НН» пра мужыкоў, якія няправільна сядзяць у метро, гэтага варта было чакаць…».

Ужо ж усе ведаюць, што такое мэнспрэдынг і што з гэтым трэба змагацца, праўда?

Хоць дзе-нідзе адчуваюцца ноткі горычы:

«Аддадзім належнае, яны трымаліся да апошняга. Але яны павінны былі змагацца са злом, а не далучыцца да яго…».

Пяць фактаў пра «Нашу Ніну»

Nina.nn.by

Каментары
Centurion / Адказаць 19.09.2017 / 21:22

На мой погляд, назва няўдалая: Ніна - састарэлае й не зусім беларускае ймя. ((

14
NW / Адказаць 19.09.2017 / 21:26

і Наша Вільня)

1
Юзік Крулеўскі / Адказаць 19.09.2017 / 21:47

Centurion , Састарэлае? Некалі Анастасія было састарэлае імя і нагадвала царскія часы. За саветамі не памятаю, каб нейкая спадарыня была носьбітам імя Анастасія, Насця. А сёння -- кожная другая (як унучка ў мяне) А некалі быў ТОП-10 жаночых імёнаў уніяцкага Глыбокага: Мар'яна была на першым, а Анастазія -- на другім. Давай адродзім імя Літвіна! Было ж такое! Суседка адна мая в.п. ў 1960-я насіла такое імя.

2
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура