Праект газеты
Тонус Электронныя рэцэпты на лекі пакуль не ўкараніліся. Разбіраемся чаму8

У 2015 годзе ў Мінску стартаваў рэспубліканскі праект «Электронны рэцэпт». Тады пацыентам некалькіх мінскіх дзяржаўных паліклінік пачалі выдаваць на бязвыплатнай аснове спецыяльныя пластыкавыя карткі, якія мусілі замяніць сабой звычайныя папяровыя рэцэпты на лекі.

Тады ж паведамлялася, што Міністэрства аховы здароўя плануе, што ўжо ў 2017 годзе па ўсёй краіне можна будзе карыстацца электроннымі рэцэптамі. Прайшла ўжо палова 2017 года, а інфарматызацыя сферы аховы здароўя рухаецца вельмі павольна. Так, у Мінску цяпер усе паліклінікі пачалі выдаваць электронныя рэцэпты. Але ў рэгіёнах гэтая тэхналогія прыйшла толькі ў 28 установаў. Да таго ж, адна справа — выдаваць пацыентам пластыкавыя карткі, а зусім іншая — запісваць на іх рэцэпты і заахвочваць людзей карыстацца імі. Шмат хто кажа, што картку ім выдалі, але рэцэпты выпісваюць традыцыйныя, на паперцы.

Мы запыталіся ў Міністэрства аховы здароўя, чаму ж сістэма электронных рэцэптаў дагэтуль не працуе паўнавартасна і калі ўжо папяровыя рэцэпты канчаткова знікнуць.

У міністэрстве кажуць, што сістэма працуе. У межах пілотнае зоны ўжо выпісана па ўсёй краіне амаль 2 мільёны рэцэптаў. Аднак не ўсе такія рэцэпты сёння атаварваюцца праз сістэму «Электронны рэцэпт». У большасці выпадкаў гэта звязаны з тым, што камерцыйныя аптэкі пакуль не падключаныя да сістэмы. Але яны не супраць, і ніякіх спецыяльных дамоўленасцей для гэтага не патрабуецца. Прыватныя сеткі аптэк дапрацоўваюць уласнае праграмнае забеспячэнне, і іх падключэнне да сістэмы плануецца распачаць з кастрычніка 2017 года.

Папяровыя рэцэпты, значыцца ў адказе міністэрства, не адмяняюцца пры ўкараненні электронных нідзе ў свеце, нават у самых сучасных у гэтых адносінах краінах, напрыклад, у Эстоніі, дзе зусім невялікі адсотак рэцэптаў (каля 5%) выпісваецца на паперы. Іншая справа, што пры выпісцы электроннага рэцэпту на рукі выдаецца не ўласна рэцэпт, а памятка пра прыём прэпарата.

Галоўная задача, якую неабходна вырашаць з укараненнем тэхналогіі электронных рэцэптаў, — поўная камп’ютарызацыя працоўных месцаў і навучанне дактароў працы з медыцынскімі інфармацыйнымі сістэмамі. Таму на першых этапах укаранення новай тэхналогіі выпіска электронных рэцэптаў мусіць адбывацца адначасова з выдачай папяровых.

З адказу міністэрства вынікае, што невыкананне планаваных тэрмінаў укаранення электронных рэцэптаў па ўсёй Беларусі звязана з тым, што інфарматызацыя працоўных месцаў дактароў ідзе даволі павольна, і яны не паспяваюць вывучыць усе дробязі працы з сістэмай.

Адзначаецца таксама, што рэцэптурныя бланкі, прызначаныя для выпіскі наркатычных сродкаў і псіхатропных рэчываў, з’яўляюцца бланкамі строгай справаздачнасці са ступенямі абароны і прызначаныя для прадухілення патраплення гэтых лекавых сродкаў у нелегальнае абарачэнне.

Бланк для выпіскі льготных рэцэптаў таксама з’яўляецца бланкам строгае справаздачнасці і адначасова фінансавым дакументам, на падставе якога адбываецца разлік паміж установамі аховы здароўя і аптэчнымі арганізацыямі.

Такія ж меры абароны ў сістэме электронных рэцэптаў яшчэ не распрацаваныя. І гэта яшчэ адна прычына недасканаласці яе працы.

Для таго, каб кансерватыўная доктарка старога гарту ўключыла камп’ютар і выпісала электронны рэцэпт, патрэбны важкі стымул, якога ў міністэрстве, напэўна, так і не прыдумалі. А пакуль нашмат прасцей чыркануць на паперцы некалькі словаў.

Ілья Параскевіч

Каментары
цьмятана зьверху,нiжэй - вада / Адказаць 07.09.2017 / 22:37

Таму што ня ведаюць як рэалiзоуваць тады БАДЫ,фальшыукi i iмпарт(300-400c/o) платныя паслугi i г.д. за контакт чаго i iснуе беларусеая медыцына.А Вы думалi,што нейкi дабрадзей (Беларуськалiй,Гарызонт,Атлант i iнш.) спонсоры межыцыны... Доуга будуць вiляць хвастом,але потым будзе як у ЛЮДЗЕЙ...

0
metsavend / Адказаць 07.09.2017 / 23:37

В Эстонии с 1 января 2009 года действуют электронные или, как их ещё называют, дигитальные рецепты на лекарства. А процедура проста: семейный врач или врач-специалист выписывает рецепт, исходя из твоих показаний и зайдя на твою страничку, где содержится  вся история болезни, все процедуры, анализы и т.д. При этом никаких дополнительных карточек не надо. Ты просто приходишь в аптеку, подаёшь свою ID-карту и по ней уже видно, какие лекарства тебе выписаны. Ты можешь сам войти на свою страничку и с помощью  своего пароля проверить, есть ли ещё у тебя лекарства невыкупленые. Если нет, достаточно звонка своему семейному врачу, он выписывает и через 15 минут можно идти в аптеку за лекарствами. Что же касается бумажных рецептов, я  давно уже не слышал, чтобы кому-то выписывали бумажный рецепт. Видимо, в министерстве что-то путают. Про памятки, которые якобы выдаются вместе с электронным рецептом, тоже впервые слышу. Ведь в электронном рецепте содержится и информация о приёме.  Ну да, если ты попросишь, врач тебе не откажет в этом. Но если ты принимаешь лекарства не первый год, зачем заниматься лишней писаниной? К тому же в аптеке  на каждой упаковке препарата всегда пишут как и в каком количестве  его принимать. 

2
Моё имя / Адказаць 08.09.2017 / 06:25

Лекарства дорогие!!!! .

Просто люди не идут покупать их. А врачи выписываю и электронные.

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура