Праект газеты
Дома Хочаце зрабіць закаткі суперсмачнымі — кладзіце пялёсткі аксамітак6

Наша чытачка Наталля Ружыцкая даслала фота закатак з аксаміткамі і некалькі малавядомых фактаў пра гэтыя ўсім добра знаёмыя кветкі.

Мода існуе на ўсё, нават на кветкі. Але аксаміткі з’яўляюцца шчаслівым выключэннем з правілаў і па-ранейшаму застаюцца любімчыкамі гаспадынь прысядзібных участкаў. Яно і зразумела. Гэтыя кветачкі не толькі ўсё лета ды восень радуюць вока, але і бароняць грады ад нашэсця непажаданых гасцей: цыбульнай мухі, шашолкі ці бульбяной нематоды.

Праўда, не ўсе нават самыя спрактыкаваныя агароднікі ведаюць, што аксамiткі — гэта яшчэ і выдатная прыправа да мяса, рыбы, а таксама страў з гародніны. Дарэчы, імерэтынскi шафран, які ўваходзіць у склад знакамітай прыправы хмелі-сунэлі, ёсць ні што іншае, як высушаныя і здробненыя кветачкі аксамiтак. Імерэтынскi шафран надае стравам не толькі залацістае адценне, але і незвычайны, вытанчаны садавінны смак.

А калі хочаце здзівіць сваіх дамачадцаў і гасцей не проста смачнымі, а суперсмачнымі закаткамі з кансерваваных агуркоў ці памідораў, то не забудзьцеся ў час нарыхтовак пакласці на дно кожнага слоіка пялёсткі аксамітак. Тады, можаце быць упэўненыя, сапраўды атрымаецца «смачна есцi»!

Nina.nn.by

Каментары
хамса ў та-маці / Адказаць 18.09.2017 / 12:38

а вы цяпер усе матэр'ялы з неnnы будзеце даваць і на nn? ура! мужычкІ! збылася мая мара: цяпер на nn шмат рэцэптаў))

0
хамса ў та-маці / Адказаць 18.09.2017 / 12:40

а вось гэтае во, калі трэба лічбачкі складваць-адымаць, каб даслаць каментар, навошта на сайце такім? пашкадавалі б жаночы мозг) цяжка ж, ну)

4
fon Gauze / Адказаць 18.09.2017 / 14:01

Каштоўны артыкул і для мяне як мужчыны, бо закаткі катаю таксама

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура