Праект газеты
Сям'я Інстаграмы папулярных беларусак, на якія варта падпісацца ўсім, хто гадуе дзіця18

Кніжкі, адзенне, адпачынак, псіхалогія і не толькі…

Гэтыя жанчыны працуюць і рэалізоўваюцца ў самых разнастайных сферах — музыка, спорт, дызайн, харчаванне… І нараджэнне дзяцей не толькі не спыніла іх актыўнасць — наадварот, прыўнесла ў жыццё дадатковы штуршок.

У сваіх інстаграмах, якія сёння шмат каму замяняюць тэматычныя сайты, блогі і форумы, маладыя мамы дзеляцца карыснымі парадамі і вясёлымі выпадкамі, якія яшчэ раз даказваюць, што галоўная эмоцыя ад мацярынства — гэта радасць.

Дызайнер і мадель Бажэна Багінская

Бажэна Багінская працуе мадэллю і стварае прыгожыя жаночыя сумкі, кашалькі і заплечнікі, а таксама ўпрыгожванні для валасоў. Яе ўласны брэнд названы ў гонар дачкі — Эмы, якая ўжо зараз спрабуе сябе ў якасці зоркі фотасесій, як і мама. Іх сям’я жыве у Віцебску, таму гэты профіль будзе вельмі карысны усім мясцовым жыхарам: Бажэна нярэдка расказвае, дзе ў горадзе можна набыць добрыя рэчы для малышоў ці правесці вольны час.

Спявачка Вера Карэтнікава

Вера на прыкладзе свайго сына Дабрыні дэманструе, як адпачываць разам з дзецьмі за мяжой і заўсёды ставіцца да іх як да сапраўдных сяброў і партнёраў. Асобная тэма прысвечана спартыўным трэніроўкам, каб падтрымліваць сябе ў форме: пасля родаў Вера вельмі хутка скінула 20 кг і зараз дзеліцца ўласным досведам з усімі ахвотнымі.

Спявачка Ларыса Грыбалёва

Яшчэ адна зорка беларускай эстрады Ларыса Грыбалёва не толькі паспявае сачыць за трыма роднымі дзецьмі, але і сама арганізоўвае праект «СуперМама» для шматдзетных сямей. Ларыса лічыць, што менавіта дзякуючы дзецям, жанчыны адчуваюць сябе маладзейшымі. Так, трэцюю дзяўчынку яна нарадзіла ў 42 гады і адчувае сябе цудоўна.

Мастачка Аліса Рубік

Інстаграм Алісы Рубік для тых бацькоў, што з маленства гадуюць будучых рокераў. Яе дачка Кіра — гэта і музыкант, і супергераіня, і проста модніца. Карацей, тым, хто цікавіцца тэндэнцыямі ў свеце дзіцячай моды, раім падпісацца. Акрамя гэтага, Аліса яшчэ вядзе ютуб-канал пра падарожжы.

Фэшн-блогер Таццяна Шчарбакова

Няслабую канкурэнцыю у справе галоўных моднікаў папярэдняму дуэту складзе Паша — сын фэшн-блогера Таццяны Шчарбаковай. Калі маці так уважліва сочыць за дызайнерамі і сусветнымі трэндамі, было б дзіўна, калі б яе дзіця выглядала неахайна. Усім, хто цікавіцца модай, а таксама багатым на падзеі жыццём — рэкамендуецца.

Велагоншчыца Наталля Цылінская

Профіль Наталлі Цылінскай — шматразовай чэмпіёнкі свету па веласпорце — гэта сапраўдная скарбніца, перапоўненая любоўю да сваіх дзяцей. А ў яе іх, дарэчы, чацвёра. Яны усёй сям’ёй заўзеюць за хакейны клуб «Дынама», гатуюць смачныя стравы і выгульваюць трох катоў і сабаку. Як ім жывецца разам — паглядзіце самі.

Паліна Маслянкова

Вельмі карысны профіль для тых, хто не ведае, якія кніжкі лепей чытаць дзецям перад сном. Паліна Маслянкова пастаянна дзеліцца беларускамоўнымі аўтарамі і раіць толькі правераныя варыянты.

Аўтар цацак Така Ціханава

Така Ціханава — стваральніца і аўтар цацак брэнда «Taka Zaka Toys». Таксама яна шые наборы для нованароджаных, малюе прынты для адзення і паралельна выхоўвае двух хлопчыкаў і дзвюх дзяўчынак. Разлітае цеста для бліноў, вечныя праводзіны ў школу і на трэніроўкі — гэта толькі адзін бок прыгод маладой мамы, за якімі вельмі цікава назіраць.

А падпісацца на інстаграм Нашай Нівы можна тут.

Мая Лінь

Каментары
Аляксандр comrade / Адказаць 04.05.2017 / 08:50

Имхо: ни на кого из этих "звезд" подписываться не надо ни тем, кто ждет ребенка, ни тем кто его не ждет. Это пустая трата времени на пустоту. Ни надо не тратить время, ни популярность им создавать. На Комаровского подпишитесь - польза хоть будет. А лучше вообще не иметь инстаграма. Имхо

2
Алеся / Адказаць 04.05.2017 / 09:38

Прарэклямавалі б лепей матуль, якія выхоўваюць дзяцей у Беларушчыне. Магчыма, нехта б пераняў іхны вопыт. 

3
Тамара / Адказаць 04.05.2017 / 09:47

Алеся ,тут як раз адна такая ёсць 

3
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура