Мадэль плюс-сайз Яўгенія Цюленева абураная: яе не пусцілі ў кавярню з сабакам
«У піцэрыі на Кастрычніцкай нам сказалі: «З сабакамі, на жаль, нельга». І гэта быў першы раз, калі нам адмовілі!», — расказвае Яўгенія Цюленева.
25.03.2019 / 21:35
Сабака ў Яўгеніі пароды грыфон, ён маленькі. І калі суправаджае гаспадыню, заўсёды сядзіць на руках.
«Я заўсёды звяртаю ўвагу на тое, ці вісіць пры ўваходзе ў кавярню таблічка: «З сабакамі забаронена», — працягвае Яўгенія, — і нават, калі знак вісіць, з сабакам на руках мяне пускалі. У некаторых кавярнях нават міску для яго ставяць».
Гэту гісторыю Яўгенія Цюленева выклала ў фэйсбук, дзе пачалося абмеркаванне, ці варта ўсё ж браць з сабой сабак.
У беларускім заканадаўстве няма наўпроставай забароны прыходзіць у кавярні са сваімі гадаванцамі. Гэтыя правіла звычайна вызначаюць непасрэдна ў саміх кавярнях.
«У Мінску насамрэч шмат так званых dog-friendly ўстаноў. Так што гэта не праблема. Я толькі не разумею, чым маленькі сабака можа перашкодзіць?» — пытаецца Яўгенія Цюленева.
{POLL#841}