«Сумка, куды, нарэшце, змесцяцца ўсе мае грошы». У інстаграме новы трэнд — мікрасумкі
Французскі дызайнер Сымон Порт Жакмюс прыдумаў парадаксальны трэнд — малюсенькія сумкі, у якія не змесціцца нават крэдытная картка.
13.03.2019 / 20:26
Як зазначае The Guardian, у мікраскапічную сумачку можна пакласці хіба што «пару цукерак і адзін навушнік AirPod».
Каму патрэбна такая сумка? Мабыць, яшчэ і пакупнікам Louis Vuitton — яны таксама нядаўна выпусцілі сумку памерам з футляр ад памады, якую можна купіць за 1740 долараў.
Недарэчныя і сімпатычныя малюсенькія сумачкі маментальна заваявалі інстаграмы — пакуль моднікі такім чынам дэманструюць свой статус, звычайныя карыстальнікі складаюць жарты накшталт «нарэшце з'явілася сумка, куды змесцяцца ўсе мае грошы».