Зорка Балівуда выйшла замуж у вэлюме даўжынёй 23 метры ФОТА
05.12.2018 / 15:17
У мінулую нядзелю 36-гадовая зорка Балівуда Прыянка Чопра выйшла замуж за 25-гадовага амерыканскага спевака Ніка Джонаса. А ў сераду яна апублікавала ў «Інстаграме» фатаграфіі сваёй вясельнай сукенкі.
Сукенка ад Ральфа Ларэна была ўпрыгожана двума мільёнамі ўшытых у яе перламутравых бліскавак, але іх перакрываў вэлюм неймаверных памераў.
Ён быў такім вялікім, што яго неслі некалькі дарослых мужчын.
У «Твітары» не прамінулі заўважыць, што вэлюм Меган Маркл у параўнанні з вэлюмам Чопры, проста мініяцюрны — усяго нейкіх пяць метраў у даўжыню.
Чопра — адна з самых высокааплатных акторак Балівуда. У 2000 годзе яна выйграла конкурс «Міс свету» і затым знялася больш чым у 50 індыйскіх фільмах.