Супрацоўніцу МНС паклікалі замуж у Палацы Незалежнасці
25.07.2018 / 17:46
Дыспетчара Астравецкага раённага аддзела па надзвычайных сітуацыях Аксану Карэва паклікалі замуж падчас экскурсіі ў Палацы Незалежнасці.
У Палацы Незалежнасці з экскурсіяй пабывалі супрацоўнікі МНС і юныя ратавальнікі. Сярод экскурсантаў была і Аксана, якая вырашыла наведаць Палац Незалежнасці разам са сваім хлопцам Мечыславам Бароўскім.
«Хачу сказаць, карыстаючыся момантам, каб не хадзіць кругом ды навокал… Карэва Аксана Уладзіміраўна, вы гатовыя стаць маёй жонкай?» — проста, але з хваляваннем спытаўся Мечыслаў.
Аксана вырашыла не цягнуць з адказам і прыняла прапанову. Так яна стала першай дзяўчынай, якой прапанавалі выйсці замуж у Палацы Незалежнасці.
Мечыслаў, які працуе фітнес-трэнерам у Астраўцы, расказаў, што першапачаткова не планаваў ехаць на экскурсію ў Мінск. Аднак потым абдумаў усё і вырашыў скарыстацца момантам.