З рэвеню можа атрымацца шыкоўны вясновы пірог РЭЦЭПТ і ФОТЫ
19.05.2018 / 14:13
Святлана Міцюль, што падзялілася сваім рэцэптам пірага, расказвае:
«Пакуль замуж не выйшла, ні разу не каштавала рэвень. А ў бацькоў мужа традыцыя: пячы вясной пірог з маладымі сцёбламі рэвеню. Нічога яшчэ не вырасла, нават лісця на дрэвах няма, а рэвень ўжо ёсць».
Тарт з рэвенем і заварным крэмам
Цеста — пясочнае.
- 125 г. мяккага масла;
- 3-4 сталовыя лыжкі смятаны;
- 1,5 шклянкі мукі.
Усё змяшаць у гладкі шар, пакласці ў халадзільнік на гадзіну, пасля гэтага раскачаць на форму 20х30 см, не забываючы пра барты. Зноў адправіць у халадзільнік на паўгадзіны.
Разагрэць духоўку да 180°С. Цеста насекчы відэльцам, выкласці зверху пякарскія бабы або звычайную фасолю. Пячы 30 хвілін, прыбраць бабы, дапячы яшчэ хвілін 5-7 да залацістасці, дастаць, пакінуць астываць.
Крэм: заварны з ванілінам.
- Малако — 500 мл;
- Яйкі — 2 шт;
- Цукар — 100 гр.;
- Кукурузны крухмал — 30 гр.;
- Ваніль — 1 стручок;
- Масла —50 гр.;
- Вяршкі, 33% — 200 мл.
Для пачатку ачысціць струк ванілі ды скласці сцяблінкі і семачкі ў каструлю з малаком.
Хоць ванільныя экстракты і эсэнцыі зручнейшыя ва ўжыванні, але сапраўдны ванільны смак варты таго, каб не паленавацца і знайсці сапраўдную ваніль для гэтага крэму.
Паставіць малако на пліту і давесці да кіпення. Прыняць з агню.
Яйкі спалучыць з цукрам і крухмалам і добра перамяшаць.
Акуратна заліць малако ў яечную сумесь праз сярэдняе сіта, увесь час памешваючы.
Пераліць крэм назад у каструлю і паставіць на агонь.
Варыць крэм, памешваючы, пакуль ён не пачне гуснуць. Пры гэтым з'явяцца вялікія бурбалкі. Паварыць яшчэ пару хвілін пасля закіпання.
У самым канцы дадаць масла і добра размяшаць, пакуль яно не разыдзецца. Прыняць з агню і пераліць ў кубак.
Накрыць харчовай плёнкай, так, каб яна дакраналася паверхні крэму. Прыбраць у халадзільнік на 2—3 гадзіны.
Рэвень:
700 гр. памыць, ачысціць ад верхняга цвёрдага пласта, парэзаць на брусочкі прыкладна ў 10 сантыметраў; выкласці ў форму ў адзін пласт. Зверху раўнамерна засыпаць 170 гр. цукру, змешанага з пакецікам ванільнага цукру (~ 7 гр.), паліць сокам двух сярэдніх апельсінаў. Паставіць у духоўку на 190°С, гатаваць каля 20 хвілін. Рэвень стане мяккім, але будзе яшчэ трымаць форму. Сіроп жа будзе ледзь прыкметна кіпець. Дастаць, астудзіць.
Усё сабраць ў тарт: выкласці на цеста крэм, разраўнаваць, зверху акуратна выкласці рэвень, паліць сіропам. Дадаткова можна пасыпаць фісташкамі.
Смачна есці!