Бойфрэнд раскрытыкаваў «піўное пуза» сяброўкі, і цяпер яму не паздаровіцца
Карыстальнікі інтэрнэту зацкавалі маладога чалавека, які негатыўна выказаўся наконт знешняга выгляду сваёй сяброўкі.
06.04.2018 / 12:50
Шэлбі Джонсан доўгі час пакутавала ад недахопу вагі цела. У апошнія месяцы жыцця ёй з цяжкасцю ўдалося паправіцца да 55 кілаграмаў, але яе хлопец на такія змены адрэагаваў радыкальна: назваў яе жывот «піўным пузам» і раскрытыкаваў «новы» знешні выгляд.
Так змянялася цела Шэлбі апошнім часам.
Дзяўчына паскардзілася на гэту сітуацыю ў сваім твітары, падзялілася скрыншотамі перапіскі з хлопцам і дадала, што не чакала такіх крыўдных слоў ад каханага.
Яе пост імгненна стаў вельмі папулярным. Сотні карыстальнікаў падтрымалі Шэлбі і пажадалі ёй як мага хутчэй развітацца з гэтым «грубіянам» і «таксічнай» асобай.
Цяпер Шэлбі сапраўды падумвае пайсці на гэты крок у бліжэйшы час.
А вы б што зрабілі, калі б партнёр крытыкаваў ваша цела?