«Яе не вярнуць»: Пакістан пратэстуе праз забойства шасцігадовай дзяўчынкі
Зейнаб — шасцігадовая дзяўчынка з горада Касур у Пакістане. Апошні раз яе бачылі з незнаёмым мужчынам, які вёў Зейнаб за руку, паведамляе Бі-Бі-Сі.
13.01.2018 / 20:44
Зейнаб.
Праз некалькі дзён цела дзяўчынкі знайшлі на сметніку непадалёк. Яе задушылі і згвалцілі. І гэты выпадак — не першы ў шэрагу забойстваў дзяцей Касура.
Па звестках паліцыі, за апошнія два гады ў горадзе адбылося 12 падобных злачынстваў.
Забойства Зейнаб выклікала хвалю гневу ў горадзе. Сотні людзей выйшлі на вуліцы, яны патрабуюць ад уладаў знайсці і пакараць забойцу дзяўчынкі.
Падчас пратэстаў загінулі некалькі чалавек. Гэта адбылося пасля таго, як паліцыя адкрыла агонь па пратэстоўцах.